ကျွန်တော်တို့ရွာကို လာလည်သူအားလုံး ရွှင်လန်းချမ်းမြေ့ ကြပါစေ...

Wednesday, May 28, 2008

ပဋ္ဌာန်းသံဝေ ဒို့ရွာမြေ

ကဆုန်လဆန်း ( ၉ ) ရက်နေ့ဟာကျွန်တော်တို့ရွာရဲ့ နှစ်စဉ်ကျင်းပမြဲပဋ္ဌာန်းပွဲစ
တဲ့နေ့ပါ၊ကျင်းပလာခဲ့တာကလဲအတော်ကြာခဲ့ပါပြီ၊အကြိမ်အရေအတွက်တောင် ဘယ်နှနှစ်ရှိမှန်းမသိတော့ပါ၊ကဆုန်လတွင်းကျင်းပရခြင်းကတော့၊ကျွန်တော်တို့ ရွာဇာတိဖွား၊မြို့တက်စာသင်နေကြတဲ့ဦးဇင်းကိုယ်ရင်တွေ၊စာဖြေပြီးလို့ရွာပြန်လာ
တဲ့အချိန်မှာ၊ကျင်းပခြင်းဖြစ်ပါတယ်၊အားလုံးသိကြတဲ့အတိုင်းပဲလေ၊တောရွာဆို
တာက၀ါတွင်းစာသင်ချိန်မှာသံဃာရှိကြတာမဟုတ်ဘူးလေ၊ ကျောင်းထိုင်ဆရာ
တော်နှင့်ကိုယ်ရင်ငယ်တွေဘဲရှိကြတာကော၊မြို့တွေမှာတော့ဝါတွင်းကျင်းပလေ့
ရှိကြတာပဲ။ဟုတ်မှာပလေ၊သူတို့မြို့ဆိုတာကလဲဝါတွင်းမှသာသံဃာတွေရှိကြတာ
ကိုး၊၀ါကျွတ် ပြန်တော့လဲစာဖြေရက်နီးလို့သံဃာတွေကအချိန်မပေးနိုင်ကြဘူးလေ၊
နွေဖက်ကြပြန်တော့လဲသံဃာတွေကကိုယ့်ဇာတိရွာပြန်ကြတာဆိုတော့မြို့မှာသံ
ဃာကမရှိပြန်ဘူး၊ဒီတော့၊သူတို့လဲဝါတွင်းပဲကျင်းပကြရမှာပလေ။ပဋ္ဌာန်းဆိုတာ
ကလဲ၊(ကျမ်းကြိးပဋ္ဌာန်း၊ကျမ်းငယ်ဆန်း၊ကျမ်းလတ်ဓာတုကထာ)ဆိုတဲ့အတိုင်း၊
အင်မတန်ခက်ခဲနက်နဲတဲ့ကျမ်းကိုးဗျ၊ နားလည်သဘောပေါက်ဖို့မပြောနဲ့ကြည့်
ပြီးရွတ်ဖတ်ဖို့တောင် အတော်ခက်တာကလား၊ဒါကြောင့်ပဋ္ဌာန်းရွတ်မည့်သံဃာ
ရှာရတာကလဲမလွယ်ဘူး လေ၊ဒီတော့၊ မြို့တက်စာသင်နေကြတဲ့သံဃာတွေ
စာဖြေပြီး ရွာပြန်လာချိန်မှကျွန်တော်တို့လိုကျေးရွာတွေကပဋ္ဌာန်းပွဲတွေကျင်းပ
နိုင်ကြတာပ၊

ကျွန်တော်တို့ရွာအနေနဲ့၊နှစ်စဉ်တော့ရွာလုံးကျွတ်စုပေါင်းလှူဒါန်းကြတဲ့ပဋ္ဌာန်းပွဲ
ပေါ့ဗျာ၊ဒီနှစ်မှာတော့၊စင်္ကာပူရောက်၊ကျွန်တော်တို့ရွာသားကိုကျော်လှိုင်က၊မိဘ
တွေကိုအမှုးထားပြီး၊ပဋ္ဌာန်းပွဲအတွက်မတည်လှူဒါန်းချင်ပါတယ်ဆိုနဲ့၊ဒီနှစ်အတွက်
ခွင့် ပေးလိုက်ရတယ်၊ရွာလုံးကျွတ်ပဋ္ဌာန်းအစား၊ကိုကျော်လှိုင်နှင့်မိသားစုပဋ္ဌာန်း
ဖြစ်သွားတာပေါ့၊အင်း..သူတို့ကလဲ၊တနှစ်ထဲတော့..အားမရဘူး၊အနည်းဆုံး( ၃ )
နှစ်မတည်လှူဒါန်းမယ်၊(၃)နှစ်ပြည့်လို့တတ်နိုင်နေသေးရင်၊နောက်နှစ်တွေထပ်ပြီး မတည်လှူဒါန်းမယ်ဆိုတာနဲ့၊ပဋ္ဌာန်းပွဲဖြစ်မြောက်ရေးကောမတီက၊သဘောတူ လက်ခံလိုက်တယ်၊ဘယ်သဘောမတူဘဲရှိလိမ့်မလဲဗျာ၊တောရွာတွေဆိုတာက ငွေရေးကြေးရေးလွယ်တာမဟုတ်ဘူး၊သဒ္ဓါတရားအားကောင်းကြလို့သာဒီလိုပွဲ မျိုးကျင်းပနိုင်ကြတာ၊ခုတော့အလှူရှင်ကိုယ်တိုင်ကသဒ္ဓါတရားအပြည့်နဲ့တာဝန်
ယူနေမှတော့၊ ကော်မတီကလဲသဘောတူပေးကြရတော့မပေါ့ဗျာ၊ ဒီတော့လဲ အရင်နှစ်ကကျင်းပနေကြအကြိမ်အရေအတွက်အစား၊အလှူရှင်မိသားစုရဲ့ပဌမ
စလှူတဲ့နှစ်ကို၊ပဌမအကြိမ်လို့မှတ်တမ်းတင်လိုက်တယ်၊ဆိုလိုတာက၊ ရွာလုံး
ကျွတ် ပဋ္ဌာန်းပွဲအကြိမ်အရေအတွက်ကသတ်သတ်၊ကိုကျော်လှိုင်နှင့်မိသားစု
ပဋ္ဌာန်းက သတ်သတ်ဖြစ်သွားအောင်လို့ပေါ့ဗျာ၊ပြောရဦးမယ်ဗျ..နှစ်စဉ်အသုံး
ပြုနေတဲ့ဆိုင်း ဘုတ်အ၀တ်မှာကွက်လပ်ချန်ပြီးအကြိမ်အရေအတွက်ရေးနိုင်
အောင်လုပ်ထားကြသဗျ၊ ကိုကျော်လှိုင်တို့က၊ပဌမအကြိမ်လှူမတည်တာမို့
ကွက်လပ်ထဲမှာ(၁)လို့ရေး မိသဗျ၊(၁)အကြိမ်မြောက်လို့ဖြစ်သွားတာမို့၊အများ
ရဲ့အဟားခံလိုက်ရသေးသဗျ၊ ခုစာဖတ်နေသူလဲဟားမသွားနဲ့နော်၊အကြိမ်အ
ရေအတွက်အများကြီးကျင်းပထားတာကို၊ကျေးရွာဓလေ့ကြွားဝါခြင်းတမျိုးလို့
မှတ်ထားလိုက်ပေါ့ဗျာ.အဟဲ..

.အင်း..ဘယ်သူပဲလှူလှူ၊ဘယ်သူပဲမတည်မတည်၊ ဘယ်သူပဲပြုလုပ်ပြုလုပ်၊
အဓိကကတော့ကျွန်တော်တို့ရွာဟာ၊ကဆုန်လဆန်း(၉)ရက်ကနေ..လပြည့်
နေ့အထိ. ပဋ္ဌာန်းသံတွေတဝေေ၀၊ဒို့ကျေးရွာမြေ..လို့..ဂုဏ်ယူခဲ့ကြရတာ
ကတော့နှစ်စဉ် ပါပဲခင်များ…..

ဘုတလင်
မောင်ညိုချော

ပဋ္ဌာန်းရွတ်ပွဲ..မှတ်တမ်း

Tuesday, May 27, 2008

ညောင်ရေသွန်းပွဲ..ဒို့ရွာနွှဲ

ဒီနေ့..ကဆုန်လပြည့်နေ့၊ ပဋ္ဌာန်းပွဲ (၇) ရက်ပြည့်..ပြီးမြောက်လို့အောင်ပွဲခံတဲ့နေ့၊
ပဋ္ဌာန်းသိမ်းပွဲနေ့၊ ပဋ္ဌာန်းအောင်ပွဲနှင့်အတူ၊တဆက်ထဲ၊ ဗောဓိညောင်ရေသွန်းပွဲ
တော်ကိုကျင်းပကြပါတယ်၊ ညောင်ရေသွန်းပွဲတော်အကြောင်းကိုတော့သီးသန့် ရေးပြီးဖြစ်လို့အထူးမညွှန်းလိုတော့ပါဘူး၊နေ့ခင်းမှာပဋ္ဌာန်းအောင်ပွဲ၊ပဋ္ဌာန်းသိမ်း
ပွဲညနေမှာညောင်ရေသွန်းပွဲပါ၊ ရွာကဓာတ်ပုံတွေပို့လိုက်တာ၊ခုမှရတာမို့ဘလော့
မှာ ခုမှတင်ပြလိုက်ပါတယ်၊ ရွာသားတွေကိုယ်တိုင်၊မတောက်တခေါက်ပညာလေး
နဲ့ မှတ်တမ်းတင်ထားတဲ့ပုံတွေမို့၊ရှင်းရှင်းလင်းလင်းမရှိတာကိုတောင်းပန်ပါတယ်၊
အနယ်နယ်အရပ်ရပ်ရောက်နေကြတဲ့ရွာသား တွေကြည့် ကြရဖို့ပါ၊

ဘုတလင်
မောင်ညိုချော

ညောင်ရေသွန်းပွဲ မှတ်တမ်း

ဆွမ်းလောင်းပွဲတော်…ဒို့..နွှဲပျော်..

ကဆုန်လဆန်း(၉)ရက်နေ့ကကျင်းပခဲ့တဲ့၊ပဋ္ဌာန်းပွဲတော်ဟာလပြည့်နေ့မှာပြီးပါ
တယ်၊လပြည့်နေညနေမှာဗောဓိညောင်ရေသွန်းပွဲကျင်းပပါတယ်၊လပြည့်ကျော်
တရက်နေ့မှာတော့ဆွမ်းဆန်စိမ်းလောင်းလှူပွဲကျင်းပပါတယ်၊ ပွဲတော်ကိုဆက်
တိုက်ကျင်းပပါတယ်၊ ရွာနီးချုပ်စပ်က၊ ဂေါစရဂါမ်၊ သံဃာတော်တွေနှင့်ပဋ္ဌာန်း ရွတ်ဖတ်ပူဇော်ကြတဲ့သံဃာတော်တွေကိုလောင်းလှူကြတာပါ၊ ဒီနှစ်မှာတော့
ပဋ္ဌာန်းရွတ်သံဃာ( ၂၄ )ပါးနှင့်၊ပင့်သံဃာ(၂၆ )ပါး၊အားလုံးပေါင်းသံဃာ(၅၀)ကိုလောင်းလှူကြတာပါ၊မှတ်တမ်းဓာတ်ပုံတွေတင်ပေးလိုက်ပါတယ်..
ရွာသားတွေဝမ်းမြောက်နုမော်သာဓုခေါ်နိုင်ကြဖို့ပါ၊လာရောက်လည်ပတ်
သူတွေ အားလုံးလဲသာဓုအနုမောဒနာခေါ်ဆိုနိုင်ကြပါစေဗျာ.

ဘုတလင်
မောင်ညိုချော

ဒို့ကျေးရွာ ဆွမ်းဆန်စိမ်းလောင်းပွဲ မှတ်တမ်း

Sunday, May 25, 2008

လွမ်းစိတ်..တ..သ..

ငါအိမ်ပြန်ရတော့မှာပါလား..လို့တွေးမိတိုင်း.ကိုယ့်အိမ်ကို.ကိုယ်ပြန်တာဘာကြောင့်
များ.မပျော်ရွှင်နိုင်ရတာပါလိမ့်လို့..ကိုယ့်ကိုယ်ကိုပြန်မေးနေမိတယ်..အမှန်တကယ်
မပျော်ရွှင်တာလားဆိုတော့လဲ.လုံးဝမပျော်တာမဟုတ်ပြန်ဘူး..ဒါဆိုပျော်နေသလား
ဆိုတော့.အဖြေက..ဟင့်အင်..အော်..ခက်လိုက်တဲ့စိတ်..ကိုယ်စိတ်ကိုတောင်နားမ
လည်နိုင်အောင်ဖြစ်နေပြီ.လူတကိုယ်စိတ်နှစ်မျိုးများဖြစ်နေရော့သလားပဲလေအမှန်
ကမပြန်ချင်တာမဟုတ်ဘူး.ပြန်ချင်စိတ်မရှိအောင်အလုပ်ခံထားရတာပါ.ဟုတ်တယ်
လေ.လူတိုင်းမေးကြည့်.ကိုယ့်အိမ်ကို.မပြန်ချင်သူရှိလားလို့..အိမ်နဲ့ခွဲခွါနေရသူတိုင်း
အိမ်လွမ်းစိတ်ကိုယ်စီနဲ့ပါ..နာကြည်းစိတ်မရှိကြဘူးဆိုရင်..ကိုယ့်အိမ်ကိုယ့်ရာကိုပြန်
ချင်ကြသူတွေချည်းပါ.ကျွန်တော်လဲဒီလိုပဲပေါ့ပြန်တော့ပြန်ချင်တာပါပဲ..ပြန်ရတော့
မယ်ဆိုမှ..ခုနေမြဲနေရာကိုနှမြော.တ.သ.နေမိတယ်.လွမ်းမယ်ဆိုလဲလွမ်းလောက်စ
ရာပါပဲလေ..ကိုယ့်ဇာတိဋ္ဌာနေနဲ့က..ဘယ်လိုမှမနှိုင်းယှဉ်နိုင်တာ.လမ်းကြည့်မလား
ကောင်းမှကောင်းပဲ..ရေလား.ရွာတွေအထိရေသန့်စက်နဲ့ကိုပေးတာ.လျှပ်စစ်ဆိုရင်
ကော.မီးပျက်တယ်ဆိုတာ.ယုံတမ်းစကားလိုပဲ..ဆက်သွယ်ရေးဆိုရင်ခလေးကအစ
ဖုန်းတဂွမ်ဂွမ်နဲ့ဗျာ.အင်တာနက်ကတော့ကိုယ်ပိုင်သုံးမလား.ဆိုင်မှာသုံးမလားအား
လုံးအဆင်သင့်..ဒီလိုအစစအရာရာသာနေတာဆိုတော့လဲ..နေမြဲနေရာကို.တရှိက်
မက်မက်တမ်းတနေမိတာပေါ့ဗျာ..ဒီလိုအားလုံးအစဉ်သင့်နေတဲ့နေရာမျိုးဘယ်လို
ပုဂ္ဂိုလ်က.ခွါခြင်ပါ့မလဲဗျာနော.အင်း.ဒါပေမဲ့.ဘယ်တတ်နိုင်မလဲဗျာ..ပြန်မှကိုဖြစ်မှာ
ဆိုတော့.ပြန်ကိုပြန်ကြရတော့မှာပေါ့နောက်ဆုံးတော့လဲ.ခေတ်နောက်ကျနေတဲ့ရွာ
မတိုးတက်သေးတဲ့..မဖွံ့ဖြိုးသေးတဲ့ရွာအစား..စိမ်းစိုနေတဲ့လယ်ကွင်းတွေ.နွေးထွေး
တဲ့ရွာသားတွေရဲ့အပြုံးချိုချိုတွေဧည့်ဝတ်ကျေတဲ့ရွာသားတွေရဲ့.အပြုအစုဒါတွေကိုပဲ
အာရုဏ်မျှော်..ပြုံးတပျော်ပျော်နဲ့ကြိုနေကြမဲ့ရွာသားတွေဆီကိုပြေးလို့သာအရောက်
လှမ်း..မြန်းကြရတော့ မှာပ….

ဘုတလင်
မောင်ညိုချော

Tuesday, May 20, 2008

စည်ကားခြိမ့်သဲ..ဒို့ရွာ..ညောင်ရေသွန်းပွဲ

ဟာ..ညောင်ရေသွန်းပွဲတောင်လှည့်လာပြီပဲ..အမယ်..ရှေ့ဆုံးက..နိဗ္ဗာန်ဆော်ကြီး
ဦးအောင်ညိမ်းပါလား..မိုက်ကြီးတကိုင်ကိုင်နဲ့..မှန်း..ဘာတွေဟောနေ..ပြောနေပါ
လိမ့်..”ဖွားမြင်သိစံ ၊ ဗျာဒိတ်ခံ၊ မှတ်ရန်ကဆုန်၊ လပြည့်ကြုံ…တဲ့..ဒီကဆုန်လပြည့်
နေ့မှာ..ကျွန်တော်တို့ရဲ့အားထားကိုးကွယ်ရာ.မြတ်စွာဘုရားအလောင်းတော်ကိုဖွား
မြင်တော်မူခဲ့ပါတယ်..(၆)နှစ်တိုင်တိုင်တရားတော်ကို..ခက်ခက်ခဲခဲကျင့်ပြီး..သဗ္ဗညု တဉာဏ်ရှင်ဘုရားအဖြစ်သို့ရောက်တော်မူခဲ့ပါတယ်..နောက်ဆုံးပရိနိဗ္ဗာန်စံတော်မူ
တာကလဲ..ဒီကဆုန်လပြည့်နေ့မှာပါပဲခင်များ..ဒါကြောင့်၊ ကျွန်တော်တို့ဗုဒ္ဓဘာသာ
ဝင်တွေဟာ..ဒီကဆုန်လပြည့်နေ့ကိုအမွန်အမြတ်ထားပြီး..မြတ်စွာဘုရားကိုပူဇော်
သောအားဖြင့်၊ ဘုရားအမှီပြုပွင့်တော်မူခဲ့တဲ့ဗောဓိညောင်ပင်အသက်ရှင်နိုင်ရေးအ တွက်ထိမ်းသိမ်းတဲ့အနေနဲ့၊ညောင်ရေသွန်းပွဲတော်ကျင်းပရခြင်းဖြစ်ပါတယ်ခင်များ.
တဲ့…အဟား..အပြောကတော့ချောလို့ဗျာ..အင်း..သူ့နောက်မှာမောင်းကြီးတဒူဒူနဲ့ ထုလိုက်နေကြတာကတော့ဦးမောင်မြင့်နှင့်ဦးသန်းစိုးတို့ပါလား၊ဘုရားပင့်ကဦးချမ်း မြ၊ထီးတော်မိုးကအမွှာညီနောင်တို့ပါလားဟ၊ကြည့်စမ်း၊အမွှာညီနောင်တို့တောင်အ
တော်ထွားနေကြပါလား၊ အင်း.. အခုခေတ်ကလေးတွေလူဖြစ်တာတယ်မြန်သကိုး၊ ဦးဆယ်အောင်တို့ဘုရားပန်းအိုးကိုင်အဖွဲ့ကလဲအင်အားတောင့်သဗျ၊အယောက်နှစ်
ဆယ်လောက်ရှိမှာ၊..အမယ်..ဒွေးလေးဒေါ်တင်မြတို့ကလဲငှက်ပျောသီးကန်တော့ပွဲ
တွေနဲ့ပါလား၊များမှများပဲ၊တယောက်တဗန်းနဲ့၊အဖီး(၃၀)တော့အနဲဆုံးပဲ၊ဒီအတော
အတွင်းဘုန်းကြီးကျောင်းငှက်ပျောတော့ပေါပါပြီ၊နောက်ရက်ဘုန်းကြီးကျောင်းပြေး
ဦးမှ၊လက်ဖက်ခြောက်လင်ဗန်းကြီးနဲ့ဘယ်သူပါလိမ့်..အော်..ဒေါ်မိတိုးကိုးဗျ၊လက် ဖက်ခြောက်တွေနဲတာမဟုတ်ဘူး၊အင်း..လှူနိုင်မှာပလေ..သူ့သားနဲ့မြေးကမလေး
ရှားမှာကိုး၊ ဒီနှစ်ညောင်ရေသွန်းပွဲလှည့်တာလူတွေမနဲပါလား၊ ကြက်သွန်လင်ဗန်း
တွေနဲ့က..ဒေါ်မိုးတင်.ဒေါ်ရွှေစိန်.ဒေါ်ခင်ရီ.တို့ဗျ၊ ဆွမ်းဆန်တွေနဲ့ကဒေါ်တင်အေး
ဒေါ်ခင်မြင့်၊ဒေါ်မိတင်၊ ငွေပဒေသာပင်တွေနဲ့က ဒေါ်ပွဲတင်၊ ဒေါ်မိဋ္ဌေး၊ ဒေါ်ဝိုင်းဋ္ဌေး
ဒေါ်မရီ၊ဒေါ်တင်ဝိုင်း၊ လိုက်သူတွေများတော့ရေတွက်ရတာတောင်မောလာပြီ၊အ သက်ကြီးသူတွေနောက်လှန်းကြည့်လိုက်ဦးမှ၊အလှူရံပစ္စည်းတွေနောက်ကဓမ္မစ ကြာအဖွဲ့ပဲ၊အင်းဒီနှစ်တော့ထူးထူးဆန်းဆန်း(၄)သင်းလုံးပေါင်းပြီး၊တဖွဲ့ထဲအနေနဲ့ ထွက်တာကိုးဗျ၊ကောင်းပဗျာ၊စည်းစည်းလုံးလုံးရှိသွားတာပေါ့၊ ဓမ္မစကြာအသင်း
မှာက၊အပျိုတွေချည့်ပါဝင်ကြရတာ၊အိမ်ထောင်ကျတာနဲ့၊အလိုအလျှောက်ဝတ်ရွတ်စဉ်အသင်းကထုတ်ပြီး၊နှုတ်ပြီးသားဖြစ်ရောပဲ၊ဒါကရွာဓလေ့ကိုးဗျ၊ အဲဒီ
နောက်မှာ တော့လာပါပြီဗျာအလှပဂေးတွေ၊ ရေအိုးတွေကိုယ်စီရွက်လို့၊ဒီနေရာ
မှာရွာဓလေ့ လေးပြောဦးမှ၊အခုလိုညောင်ရေသွန်းလှည့်တဲ့နေရာမှာအိမ်ထောင်
ရှင်မှန်ရင်ဘယ် သူမှညောင်ရေအိုးရွက်ပြီးမလိုက်ရဘူး၊ညောင်ရေသွန်းချင်ရင်၊
နောက်မှ၊ အခမ်းအ နားပြီးမှ၊ သတ်သတ်သွားပြီးရေလှူ၊ရေသွန်းကြရတယ်ဗျ၊
ရှေးလူကြီးတွေစီစဉ်ခဲ့တဲ့ ဓလေ့လေ၊ကျုပ်အထင်တော့တခြားရွာသားတွေမြင်
ရင်အပျိုနှင့်အအိုလွဲမှာစိုးလို့ ထင်ပါရဲ့၊..ဟာ..ဒီနှစ်အပျိုတွေရဲ့ရှေ့ဆုံးကသွားရတာ
စုကြည်ပါလား၊အရပ်က ထောင်ထောင်မောင်းမောင်းဆိုတော့တယ်ပြီပေါ်
လွင်သကိုး၊ အဲ..ရှေ့ထားရမှာပ၊ သူကဂုဏ်နဲ့ဟိတ်နဲ့ကိုး၊သူကရွာရဲ့ကျက်သရေ
ဆောင်ကိုး၊ဒီနှစ်(၁၀)တန်းစာမေး ပွဲမှာရွာကမိန်းကလေးတွေ(၅)ရောက်ဖြေတာ၊
သူတယောက်ထဲအောင်ပြီးရွာ့ဂုဏ် ဆောင်ထားတာပဲ၊ရုပ်ကလဲလှ၊ပညာကလဲ
တတ်ဆိုတော့ရှေကပဲသွားရမှာပေါ့လေ၊ စုကြည်မျက်နှာကလဲရွှင်လို့ကြည်လို့၊
ရှေ့ကသွားရလို့ပဲလား၊မြတ်စွာဘုရားရည်မှန်း ပြီးရေလှူရမှာဝမ်းသာလို့လား
တော့ကျွန်တော်လဲမဝေခွဲတတ်ဘူး၊ပီတိအဟုန်နဲ့ပြုံး နေတာတော့အမှန်ပဲဗျ၊
သူနောက်က၊ မဖြူစပ်၊..အဲ..နာမည်အရင်းတော့မဟုတ်ဘူး နာမည်အရင်းက
ခင်အုန်းဆင့်၊ ဘယ်သူမှမခေါ်ကြပါဘူး၊အသားအရေကဖြူပြီး ၀င်း နေလို့၊ ဟိုး.ငယ်ငယ်ထဲကချစ်စနိုးနဲ့ခေါ်ကြတာကဖြူစပ်တဲ့၊သူဝတ်ထားတာ ကလဲ၊အသား
ရောင်ဇာဝမ်းဆက်ဆိုတော့အလှပေါ်အယဉ်ဆင့်ဆိုသလိုအသွင်တင့် ပါပေရဲ့၊
အမယ်..သူ့အလှကိုရွာသားတွေကချီးကျူးကြသေးတာ၊မြို့သူတွေရှုံးသတဲ့ သူတို့
မျက်စိထဲနေမှာပေါ့၊သူ့နောက်ကအပျိုတွေကလဲ၊တယောက်တမျိုး၊မရိုးအောင်
အပြိုင်ဝတ်ထားကြလို့လှကြပါပေရဲ့၊ဘယ်လိုထုပ်ဖေါ်ချီးကျူးရမှန်တောင်မသိ
လို့မ ပြောတော့ဘူး(သိချင်သူတွေ ကြည့်ချင်သူတွေရှိရင်ပြော၊လိုက်ပို့ပေးမယ်၊)အ
ပျိုတွေ အနဲဆုံး(၅၀)လောက်ရှိမယ်ထင်ပါရဲ့၊ရေအိုးကိုယ်စီရွက်လို့ပေါ့၊အဲဒီနောက်
မှာတော့အလှပြအဖွဲ့ကရှိသေး၊အပျိုလူပျိုဖေါ်ဝင်စ..ကောင်လေး.ကောင်မလေး၊အ
ယောက်(၂၀)၊ကောင်လေးတွေကပန်းအလှဆင်ထားတဲ့ငွေဖလားတွေပိုက်လို့ပေါ့၊
ကောင် မလေးတွေကတော့၊တဘက်ပခုံးတင်စုံချလို့.ပုသိမ်ထီးတွေဆောင်းပြီး၊
ယဉ်စစဟန်တွေနှင့်ပေါ့ဗျာ၊မြင်ရသူဘ၀င်အေးအစဉ်ငေးစရာတွေပေါ့ဗျာ၊..အဲ.ဒီ
နောက်မှာတော့လာပါပြီဗျာဦးရွှေရိုးရယ်၊ဒေါ်မိုးရယ်၊အတော်ဆိုးတယ်ဆိုတဲ့၊အများ
မျှော်လင့်တကြီး စောင့်စားနေကြတဲ့၊အိုးစည်ဝိုင်းအဖွဲ့၊ကိုမင်းအောင်ကတောင်ရှည်ပု
ဆိုးကြီးနဲ့ဦးရွှေ ရိုးလုပ်သဗျ၊ ကို တွတ်ကတော့ဒေါ်မိုးပေါ့ဗျာ၊သူတို့အတွဲကလည်းအ
တော်ညီသကိုး ဗျ၊ဒါကြောင့်ဘဲတရွာလုံးကအသည်းစွဲဖြစ်နေကြတာထင်ပ၊သူတို့
မပါရင်ပွဲမစည်ဘူးလို့ကိုအောက်မေ့နေကြတာ၊အဲအားလုံး.အားလုံး.တွေရဲ့နောက်
ကတော့၊ဗေ ဒင်အချုပ်၊ မဟာဘုတ်ဆိုသလို၊ဒီလိုစည်စည်ကားကားဖြစ်လာဖို့၊
ချွေးတလုံးလုံးနဲ့ မနားမနေကြိုးစားခဲ့ကြတဲ့၊အပျိုခေါင်းနှင့်လူပျိုခေါင်းတွေပါပဲဗျာ
သူတို့မျက်နှာတွေ ကြည့်ရတာ ပင်ပန်းပုံနဲနဲမှမပြဘူး၊ ရွှင်ကြည် ပြီးပြုံးနေလိုက်ကြ
တာ၊ သူတို့ရဲ့လုပ် ဆောင်ချက်ကိုသူတို့ဂုဏ်ယူနေကြပုံက..ပီတိကိုစား၊ အားရှိပါ၏
…ဆိုတဲ့စကားပုံကို များသက်သေပြုနေကြရောသလားဗျာ……
ဘုတလင်
မောင်ညိုချော

Sunday, May 18, 2008

ညောင်ရေသွန်းမည့်..ကျွန်တော်တို့ရွာ

မနက်ဖြန်ဆိုကဆုန်လပြည့်နေ့..ဒီနေ့ကအကြိုနေ့၊အဖိတ်နေ့၊ဒီရက်မှာတော့ကျွန်
တော်တို့ရွာရဲ့..လူပျိုခေါင်းကိုအောင်ဋ္ဌေးနှင့်ကိုမြင့်ဦးတို့..အလွန်အလုပ်ရှုပ်တဲ့နေ့
ဆိုရင်လဲမှားအံ့ မထင်ပါ၊ ဟိုနေရာလဲ သူတို့ကိုတွေ့ရ၊ ဒီနေရာမှာလဲ သူတို့အသံ
တွေချည်းပင်၊..အင်း..မလုပ်လို့ကလဲမရဘူးလေ၊ မနက်ဖြန် ရွာဦးကျောင်း၊ဗောဓိ ပင်ညောင်ရေသွန်းပွဲတော်စည်စည်ကားကားကျင်းပနိုင်ရေးအတွက်က၊သူတို့နှစ်
ဦးရဲ့တာဝန်မဟုတ်လား၊ အရင်နှစ်ကတော့။ လူပျိုခေါင်းက(၅)ယောက်တောင်
ရှိ်တာ၊ကိုမင်းနိုင်၊ ကိုသိန်းထူး၊ ကိုရာကျော်တို့ကဘ၀ရှေ့ရေးအတွက်ဆိုပြီးတော့ မလေးရှားသွားကြလေရဲ့၊ဒါကြောင့်ဒီနှစ်၊ နှစ်ယောက်ထဲလက်မလည်အောင်ဖြစ် နေကြတာ၊ဗောဓိပင်သန့်ရှင်းရေးအတွက်၊ရွာကျောင်းဂေါပကဖြစ်တဲ့၊ဦးကျော်မင်း တို့အဖွဲ့နဲ့တိုင်ပင်ပြီး၊လူငယ်တွေ၊ တက်ညီလက်ညီ၊ကုသိုလ်ပါဝင်အောင်၊စည်းရုံး ကြရတာကတစ်မျိုး၊ညောင်ရေသွန်းမည့်၊ညနေမှာ၊ အပျိုတွေ၊ အအိုတွေနဲ့ရွာထဲ စည်စည်ကားကား၊လှည့်နိုင်ရေးအတွက်၊အပျိုခေါင်း၊ဒေါ်လွန်းကြည်၊ဒေါ်တုတ်၊
ဒေါ်ခင်ထွေး။တို့နဲ့တိုင်ပင်ရတာကတသွယ်၊အိုးစည်အဖွဲ့ကို၊ကြီးကြပ်ပြီး၊အက တိုက်ရ၊သီချင်းတိုက်ရတာကတဖက်၊မနှစ်က၊ကခဲ့ကြတဲ့၊ကိုမင်းအောင်၊ကိုတွတ်
တို့ကိုဘဲ၊ ဒီနှစ်ဆက်ကဖို့တိုက်တွန်းကြရသေးတာ၊ သူတို့ကလဲ၊အသက်ကြီးလာ တော့၊ကရမှာရှက်သတဲ့၊လူငယ်တွေပဲခိုင်းပါတော့တဲ့၊လူငယ်တွေကိုကခိုင်းရတာ က၊မခက်ဘူး၊လူငယ်တွေထဲမှာဖိုးကချင်တွေကလဲပေါမှပေါ၊ဒါပေမဲ့၊ခက်နေတာ ကရွာလူထု၊သူတို့ကဒီလူမှဒီလူဖြစ်နေကြတာလေ၊ဒီတော့လဲသူတို့ကိုမနဲချော့ပြီး ကခိုင်းရတာ၊ဒါတောင်မှသိတယ်မဟုတ်လားတောသဘာဝ၊ဟိုဟာတိုက်ရ၊ဒါတွေ
တိုက်ရနဲ့လေ၊ ဂေါပကလူကြီးဦးကျော်မင်းနှင့်ဦးကံတင်။တို့လဲမနားရရှာပါဘူး၊သူ
တို့တာဝန်တွေကျေပွန်ဖို့ကြိုးစာနေကြတာကလား၊ရွာထဲလှည့်ရင်၊မောင်းကိုရှေ့
ကဘယ်သူထမ်း၊ နောက်ကဘယ်သူတီး၊ အဲဒီနောက်က၊ ဘုရားပင့်ပြီးဘယ်သူ လိုက်၊နိဗ္ဗာန်ဆော်ကဘယ်သူလုပ်နဲ့၊အတော်ကိုအလုပ်ရှုပ်နေကြတာကိုး၊ တော်
သေးတယ်၊ သူတို့စီစဉ်သလို ကျေးရွာကနာခံပေလို့၊ အင်း…နောက်ဆုံးတော့။
ရှေ့မောင်းထမ်းက၊ ဦးမောင်မြင့်၊ နောက်ကနေမောင်းတီးရင်းထမ်းမှာက၊ ဦးသန်း စိုး၊နိဗ္ဗာန်ဆော်ကဦးအောင်ညိမ်း၊ဘုရားပင့်ဖို့ကတော့၊ထုံးစံအတိုင်း၊ဦးကြီးချမ်းမြ ပဲဖြစ်မှာပေါ့၊ဦးလေးဆယ်အောင်တို့၊ဦးဖိုးနက်လေးတို့ကတော့၊ဘုရားပန်းအိုးကိုင်
ပဲနေမှပါ၊မနှစ်ကတော့၊ဦးလေးသန်းဆောင်တို့၊ပန်းအိုးကိုင်ကြတာပဲ၊ဒီနှစ်တော့မ ကိုင်နိုင်ရှာကြတော့ဘူး၊ဆုံးသွားရှာပြီလေ၊ဒီလိုပဲလက်ဆင့်ကမ်းအနေနဲ့၊ဦးဆယ် အောင်တို့၊ဦးဖိုးနက်လေးတို့ကတာဝန်ဆက်ယူပေးကြလို့သာပေါ့၊နို့မဟုတ်ရင် ဂေါပကအဖွဲ့လဲမလွယ်ဘူး၊ဟိုလူခိုင်းရမလို၊ဒီလူခိုင်းရမလိုဖြစ်နေကြဦးမှာ၊ရွာထဲ
လှည့်ပြီး၊ဗောဓိပင်ရောက်ရင်၊အမျိုးသမီးတွေဆီက၊ရေအိုးတွေယူ၊ဗောဓိအုတ်ခုံ ပေါ်တက်ပြီး၊ညောင်ရေသွန်းဖို့ကိုတော့၊ဦးပြူးကြီးက၊လူပျိုတွေနဲ့တာဝန်ယူဆိုပဲ
ဒီတာဝန်ကလည်းမသေးဘူး၊အတော်ကိုထိမ်းနိုင်သိမ်းနိုင်မှရယ်၊ဒီလိုပွဲမျိုးဆိုတာ က၊ရွာထဲရှိ၊အပျိုတွေအကုန်ထွက်တာကိုး၊ဒီတော့အကိုကာလာသားတွေကလဲ ဗောဓိပင်အောက်အကုန်ရောက်ကြပြီပေါ့၊အပျိုတွေရွက်လာတဲ့ရေအိုးတွေကို၊လု ပြီးလောင်းကြဖို့လေ၊ဒီအခါမှာတာဝန်ခံခေါင်းဆောင်လူကြီးက။အတော်ကြီးကြပ် ယူရတာ၊မဟုတ်လို့ကတော့လူပျိုတွေအဝေမတဲ့ဖြစ်ပြီးအကြီးအကျယ်ရန်ပွဲ၊ ဟိုး အရင်တနှစ်ကအဲလိုဖြစ်ပါရောလား၊ဗောဓိအုတ်ခုံကြီးကိုကွဲရောပဲ၊အုတ်ခုံဒကာ ဦးမှိုပဲ၊အကုန်အကျခံပြီးထပ်ပြင်လိုက်ကြရတာပေါ့၊ထပ်ပြင်ရတော့၊ငါကုသိုလ် ထပ်ရတာပေါ့တဲ့၊အပြုံးတောင်မပျက်ဘူး၊ဦးမှိုဆိုတာအဲလိုလူ၊ရွာဆိုတာဒီလိုပါပဲ၊ အမြဲမြင်နေရမည့်မျက်နှာတွေဆိုတော့သည်းခံကြရတာပ၊ ဦးတင်တို့၊ ဦးကျော်
လင်းတို့ဘုရားလူကြီတွေကလဲ၊ ရေစက်ချ တရားပွဲကျင်းကဖို့ဗောဓိညောင်ပင် အောက်မှာစီစဉ်နေကြလေရဲ့၊သူတို့တာဝန်ကတော့အေးအေးပဲဆိုရမှာပေါ့၊ရွာထဲ ကလာလှုတဲ့ပစ္စည်းတွေကို၊ဘုန်းကြီကန်တော့ပွဲပြင်၊တရားနာမည့်လူတွေကိုနေ ရာချပေး၊တရားပွဲပြီးရင်ကန်တော့ပွဲတွေကိုဘုန်းကြီးကျောင်လိုက်ပို့၊ဒီလောက်ပဲ ရှိတာကိုး၊ကံကောင်းရင်ဘုန်းကြီးစွန့်တဲ့၊ငှက်ပျောသီးတောင်စားရနိုင်သေး၊ အပျို ခေါင်းတွေလဲမနားရရှာပါဘူး၊ညောင်ရေအိုးရွက်တဲ့အပျိုတွေကလဲ၊ရှေ့ဆုံးကနေ
အတော်သွားချင်ကြတာကိုး၊ရှေ့ကသွားဖို့လုကြတာ၊အဲဒါကအပျိုကြီးခေါင်းတွေ ခေါင်းအခဲရဆုံးအလုပ်ပေါ့၊သူ့ကြတော့ဘယ်သူသမီးမို့ရှေ့ထားတာ၊ငါ့ကြတော့၊ စသဖြင့်၊အပြောခံရ၊အမုန်းခံကြရသေးတာကိုး၊အင်း..ရှေ့ကသွားရတာကိုဂုဏ်
ယူမှာပေါ့၊ လှသူကိုရှေ့ထားတာလို့ပြောသူကပြောကြသကိုး၊တကယ်တော့အား လုံးတောသူတွေချည်းပါပဲ၊ရွက်ကြမ်းရေချိုတွေချည်းပါပဲလို့များကျွန်တော်ကပြော
ရင်လွန်ရာများကျမလားပဲ၊ဘာပဲပြောပြော၊ဒီနေ့အဖိတ်နေ့မှာတော့၊လူပျိုခေါင်းက
အစ၊ဂေါပကလူကြီးအပါအ၀င်၊ အပျိုခေါင်းများအဆုံး၊ တနေ့လုံး၊ တရုန်းရုန်းနဲ့၊
မနက်ဖန်ညောင်ရေသွန်းပွဲတော်အတွက်စီစဉ်နေကြလေရဲ့၊ ကျွန်တော်တို့ရွာ
ညောင်ရေသွန်းပွဲတော်၊စည်မစည်ကတော့၊မနက်ဖန်ညနေကြမှပဲ၊သိကြရမှာပ၊

ဘုတလင်
မောင်ညိုချော

Friday, May 16, 2008

မဒိုင်ကျင်းကျေးရွာ ဖွံ့ဖြိုးတိုးတက်ရေး လူငယ်အသင်း

တွေး...ဆွေးမပြေ


ဒီရက်တွေမှာကျွန်တော်တို့တွေဘာဆိုဘာမှမရေးနိုင်ခဲ့ဘူး၊ရေးချင်စိတ်လဲမရှိဘူး.အားလုံးသိကြတဲ့အတိုင်းဘဲလေ..ကွန်တော်တို့နိုင်ငံမှာမုန်တိုင်းဝင်မွှေသွားတာ…မနက်မိုးလင်းလို့မျက်နှာသစ်ပြီးတာနဲ့.မနက်စာတောင်မစားနိုင်ဘဲ..ကွန်ပြူတာ
ရှေ့ ထိုင်.သတင်းတွေနားထောင်..သတင်းတွေဖတ်နဲ့.အချိန်တွေကုန်မှန်းမသိ
ကုန်သွားရတယ်..ဖတ်ပြီးပြန်တော့..ဒုက္ခရောက်ပြည်သူတွေအတွက်…တစက်မှ
ရင်အေးစရာ မတွေ့ရဘူးလေ…လေကလဲ…အမုန်းတည်းတည်းနဲ့တိုက်..ရေ.က
လည်းအလုံးကြီး ကြီးနဲ့ရိုက်တာခံကြရတဲ့..ကျွန်တော်တို့ရဲ့သွေးသား..အမိဧရာ
မြေက.မချိဗျာပွေနေကြ ရတဲ့…ဒုက္ခရောက်ပြည်သူတွေအတွက်..ရတက်ဘယ်
သူအေးနိုင်ကြပါ့မလဲလေ…အင်း…သမိုင်းမှာညစ်ခဲ့ကြလို့၊ကြမ္မာရဲ့.ရိုင်းပြမှုကိုခံ
ကြရလေသလား….ကြမ္မာရိုင်းကြောင့်ဘဲ သမိုင်းညစ်ရမည့်အဖြစ်တွေ..ကြုံကြ
ရလေသလား..မတွေးတတ်နိုင်အောင်ပါဘဲဗျာ ကျန်နေသူ..ဒို့ပြည်သူတွေ..
ကံကိုပြိုင်..အနိုင်နွှဲနိုင်ကြပါစေလို့အခါခါဆုတောင်းနေမိ ပေမဲ့..ပွေနေတဲ့..
သူတို့တွေရဲ့သောက…ဘယ်လိုနည်းတွေနဲ့များဖြေသိမ့်ပေးနိုင်ကြရပါ့.....
........မလဲဗျာ….


ဘုတလင်
မောင်ညိုချော

Monday, May 5, 2008

ချစ်စရာရွာဓလေ့

ဒေသတိုင်းမှာ..ကိုယ့်ရပ်နှင့်ကိုယ်ဇာတ်..ကိုယ့်ရွာနှင့်ကိုဓလေ့..ဆိုတာရှိကြပါတယ်
ဒါဆို.ကျွန်တော်တို့ရွာမှာလဲ..ချစ်စရာရွာဓလေ့တွေရှိပေမပေါ့နော်ဒီထဲက.သိတ်ချစ
စရာကောင်းတဲ့ရွာဓလေ့.တစ်ခုတင်ပြချင်ပါတယ်.ကျွန်တော်တို့မြန်မာတွေအားလုံး
သိကြပြီးသားဖြစ်မှာပါ..တန်ဆောင်မုန်းလပြည့်နေ့အကြောင်းကို..ဒီလပြည့်နေ့ဟာ
မိုးကောင်းကင်မှာ..ဆီးနှင်း၊မြူ၊ တိမ်၊သူရိန်၊ မီးခိုး၊ ညစ်မျိုးကင်းစင်ပြီး၊ကြယ်တာရာ
နက္ခတ်တွေအစုံအညီထွက်တဲ့ အတွက်.ဆေးပေါင်းခတဲ့ည.လို့အဆိုရှိသလို.ကျီးမ
နိုးပွဲခေါ်တဲ့.အစောဆုံးနိုးလေ့ရှိတဲ့ကျီးတွေမနိုးခင်၊အရုဏ်မတက်ခင်၊အပျော်ခိုးကြ
တဲ့ညလည်ဖြစ်ပါတယ်၊ဘယ်ခေတ်ကာလက၊စတယ်လို့မသိရပေမဲ့..အပျော်ခိုးကြ
တဲ့ဓလေ့ကတော့တနိုင်ငံလုံးအတိုင်အတာကိုပျံ့နှံ့ပြီး.ပျော်ကြ.ရွှင်ကြ.ခိုးကြပါတယ်
တောရွာတွေက၊အပျို၊လူပျိုတွေကတော့အကဲဆုံးပေါ့ဗျာ၊အသီးအနှံတွေတယောက်
မျိုးခိုးလာပြီး၊စုပေါင်းချက်စားကြ၊ပြီးရင်လူတွေအိပ်ချိန်စောင့်၊လူတွေအိပ်တာနဲ့
တအိမ်ကခြံတံခါးကိုဖြုတ်.နောက်တအိမ်ကိုပို့.တအိမ်ကလှည်းကိုယူ.နောက်တအိမ်
ကလှည်းနဲ့လဲ၊စတဲ့ပျော်စရာတွေနဲ့၊သူခိုးကိုကုန်းဆုံးကြပါတယ်(ဒီအကြောင်းတွေ
ကိုနောက်မှသီးသန့်တင်ပြပါဦးမယ်)၊ကျွန်တော်တို့ရွာကတော့..အဲလိုဟုတ်ဘူးဗျ..
အများရွာ..အများရပ်တွေနဲ့တူဘူးဗျ..အဲဒီတန်ဆောင်မုန်းလပြည့်နေ့ရောက်တာနဲ့..
အပျို..လူပျိုတွေဟာခေါင်းချင်းဆိုင်တိုင်ပင်ကြတယ်၊ရွာဦးကျောင်းမှာရှိတဲ့..ရုပ်ပွား
ဆင်းတုတော်တွေကို..သူ့ထက်ငါဦးအောင်အပြိုင်ခိုးကြဖို့ပေါ့ဗျာ..လပြည့်ညရောက်
တာနဲ့ဆင်းတုတော်တွေကိုရွာဦးကျောင်းကနေခိုးပင့်ကြပါတယ်(ရွာဆရာတော်မသိ
စေရန်)ခိုးပင့်လာတဲ့ဘုရားဆင်းတုတော်တွေကို..အပျို..လူပျို..တိုင်ပင်ပြီး..လူအိပ်
ချိန်တွေမှာ..သင့်တော်မယ်ထင်တဲ့အိမ်တွေမှာ..တိတ်တဆိတ်ခိုးပြီးပို့ကြပြန်ပါတယ်
video..ပြပါ..ဘာတွေညာတွေ..အကျွေးအမွေးနဲ့ရွာဦးကျောင်းသို့ဘုရားဆင်းတု
တော်ကိုပြန်လည်ပင့်ဆောင်ပို့ပါ..စသည့်စာတွေရေးလို့ပေါ့ဗျာ၊ဘုရားအပို့ခံရတဲ့
အိမ်ကလည်း..ဒို့အိမ်ကသဒ္ဓါတရားကောင်းလို့..စေတနာရှိမှန်းသိလို့..ပို့တာဆိုပြီး
ဂုဏ်ယူလေ့ရှိကြပါတယ်၊ဒါကြောင့်မနက်မိုးလင်းတာနဲ့..ဘုရားပို့ထားမထားရှာကြ
ပါတယ်..တချို့အိမ်တွေကြတော့.ဘုရားပို့ချင်သူတွေပို့လို့ရအောင်ဆိုပြီး..စားပွဲတွေ.
အခင်းအကျင်းတွေနဲ့ဘုရားဆင်းတုတော်အတွက်ကြိုတင်ပြင်ဆင်ပြီးစောင့်နေကြ
ပါတယ်..ဘုရားပြန်လည်ပို့ဆောင်ကြွချီပွဲကိုလဲ..ခမ်းခမ်းနားနားပြုလုပ်ကြပါတယ်.
တဦးနှင့်တဦးအပြိုင်ပေါ့ဗျာ..အနည်းဆုံးနှစ်သိန်းလောက်အကုန်အကျခံပြုလုပ်ကြ
ပါတယ်၊ဒီအကြောင်းတွေနောက်မှဆက်လက်ဖေါ်ပြပါဦးမယ်..ကျွန်တော်ဆို
ချင်တာက..အများရွာ..ဒေသတွေမှာ..ကျီးမနိုးပွဲဟာ..ပျော်စရာသူခိုးညဖြစ်ပေမဲ့
ကျွန်တော်တို့ရွာကတော့..တန်ဆောင်မုန်းလပြည့်ညဟာ..ပျော်စရာ..ချစ်စရာ
ဘာသာရေး..သရုပ်ပြ..အထွတ်အမြတ်ညချမ်းတစ်ည..ဖြစ်တယ်ဆိုတာပါဘ
...ခင်ဗျ...
ဘုတလင်
မောင်ညိုချော

Sunday, May 4, 2008

ညီမောင်အတွက် ( ၁ )




ညီမောင်ရေ....

ဘ၀လမ်းကိုစမ်းတ၀ါးဝါးလျှောက်နေတဲ့..ညီ..အတွက်..ကိုကြီးစာတစ်ပုဒ်ရေးထုတ်
လိုက်တယ်ကွာ၊ဆရာကြီးလုပ်တာတော့..မဟုတ်ရရိုးအမှန်ပါ.ညီမောင်..ဘ၀ဆိုတာ
တိုက်ပွဲ..တဲ့..အမှန်ပါဘဲညီမောင်..အဲ..ဘ၀ဟာတိုက်ပွဲဆိုရင်..ကိုတို့တွေဟာ..အဲဒီ
တိုက်ပွဲမှာပါဝင်တိုက်ခိုက်နေကြတဲ့.ရဲဘော်တွေပေါ့ကွာ..တိုက်ပွဲတစ်ခုမှာ..အဓိက
လိုအပ်ချက်က..စိတ်ဓာတ်ပဲ..ဒုတိယက..လက်နက်ပေါ့ကွာ..တတိယက.လူအင်
အားပေါ့..ဒီသုံးချက်ပြည့်စုံရင်..ဘယ်လိုတိုက်ပွဲမျိုးမှာမှ..မရှံးဘူးညီမောင်ရေ.....

ဒီလိုဆိုရင်..ကိုတို့တွေ..တိုက်ပွဲမှာအရှံးမများဖို့..ဘာတွေလိုသလဲဆိုတာ
ညီမောင်သိရောပေါ့..ပဓာန...ကတော့..ညီမောင်ရေ..စိတ်ဓာတ်ပဲကွ..(စိတ်
သာရှင်စော ဘုရားဟော ) ဆိုသကိုးကွ..အဲ..ဘာစိတ်ဓာတ်တွေလဲဆိုတော့..
ကိုယ့်ကိုယ်ကိုယုံကြည်တဲ့စိတ်ပေါ့ကွာ..အများတွေလုပ်လို့ဖြစ်နေ..ဖြစ်နိုင်
နေတဲ့အလုပ်မှန်သမျှညီမောင်လည်း..လုပ်နိုင်တယ်..လုပ်လို့ဖြစ်တယ်ညီမောင်..
လုပ်လို့ဖြစ်မှဖြစ်ပမလားဆိုတဲ့စိတ်..ဘယ်တော့မှ..မမွေးလေနဲ့..အများလုပ်လို့..
ဖြစ်တယ်ဆိုရင်..ငါလည်းဖြစ်ကိုဖြစ်ရစေမယ်..ဖြစ်အောင်လုပ်မယ်ဆိုတဲ့..ကိုယ့်
ကိုယ်ကို..ယုံကြည်တဲ့..စိတ်မွေးပါ၊အခက်အခဲဆိုတာကတော့..အရာရာတိုင်း..
လူတိုင်းမှာ..ရှိကြတာပါပဲ..တွေ့ကြုံကြရတဲ့အခက်အခဲကတော့..တဦးနှင့်တဦး..
မတူဘူးပေါ့ကွာ..ပင်ကိုယ်ဗီဇ..ဓာတ်ခံအပေါ်မှာမမူတည်ပြီး..လွယ်လွယ်နဲ့
ဖြေရှင်းနိုငသူရှိသလို..ခက်ခက်ခဲခဲဖြေရှင်းရသူလည်း..ရှိလိမ့်မပေါ့..ရှိတဲ့
အခက်အခဲ..တွေ့ကြုံလာတဲ့..အခက်အခဲကို..ရင်ဆိုင်ဖြေရှင်း..ကျော်လွှားပြီးမှ..
ရလာတဲ့အောင်မြင်မှုက..ပိုလို့ချိုမြိန်ပါတယ်ညီမောင်..အဲ..အချုပ်ပြောချင်
တာက...ဘ၀တိုက်ပွဲ..ဆင်နွှဲတော့မယ်ဆိုရင်..ညီမောင်ရေ....ကိုယ့်ကိုယ်ကိ
ယုံကြည်တဲ့စိတ်...လုပ်ရင်ဖြစ်တယ်ဆိုတဲ့....စိတ်...ကိုအမြဲမွေးပါ..လို့.....


ခင်တဲ့

မင်းရဲ့အကိုကြီး